თბილისი (GBC) - ყოფილი ბანკირი გიორგი არველაძე საბანკო სფეროში დაბრუნებას აღარ აპირებს. ამჟამად საკუთარი პროექტებითაა დაკავებული და მათ შორის დეველოპმენტში შესვლასაც აქტიურად განიხილავს.

კონკრეტული დეტალები და პროექტი დაახლოებით 2 თვეში დაზუსტდება.

კორპუსის მშენებლობას არველაძე „100 საინვესტიციო შეთავაზება ბიზნესს“ პრივატიზაციის ფარგლებში, 2020 წლის დასაწყისში შეძენილ 2,200 კვ.მ მიწის ფართობზე განიხილავს, რომელიც სოფელ დიღომში, არქანჯელო ლამბერტის ქუჩა #31 -ში მდებარეობს.  

2020 წლის 8 იანვარს გაყიდულ 10 ობიექტს შორის, აღნიშნული, ყველაზე ძვირად გაიყიდა.

აუქციონის საწყისი ფასი 800,000 ლარი იყო. არველაძემ კი ლოტი 1,511,000 ლარად შეიძინა.