თბილისი (GBC) – 1Q21-ში საქართველოს ბანკის უმოქმედო სესხებმა (NPL) 534.6 მლნ ლარი შეადგინა, რაც 88.2%-ით გაიზარდა (y.y).

ბანკის უმოქმედო სესხების მაჩვენებელი კვარტალურად მცირედით გაუმჯობესდა და 2.1%-ით შემცირდა.

Bank of Georgia Group PLC-ის (BOGG) განცხადებით, 1Q21-ში უმოქმედო მსესხებლების წლიური ზრდა, ძირითადად, განპირობებულია COVID-19 პანდემიის ზემოქმედებით, რამაც საანგარიშო პერიოდში NPL– ების წილი მთლიან სესხებთან მიმართებით 3.6% –მდე გაზარდა.

თუმცა, მათი თქმით, მაჩვენებელი შეესაბამება ECL (მოსალოდნელი საკრედიტო ზარალის) დებულებას, რომელიც დაფიქსირებულია სრული ეკონომიკური ციკლისთვის, 2020 წელს.

NPL-ის დაფარვის კოეფიციენტმა 1Q21-ში 77.5% შეადგინა, ხოლო 1Q20- ში ეს მაჩვენებელი 147.2% იყო, 4Q20-ში კი 76.3%.

ჯგუფის განმარტებით, NP სესხის დაფარვის კოეფიციენტის წლიური კლება ასახავს პორტფელის მიქსის მაღალპროცენტიანი არაუზრუნველყოფილი სამომხმარებლო სესხების, უფრო დაცულ სამომხმარებლო დაკრედიტებაზე გადანაცვლებას, რასაც მხარს უჭერს მათი სესხების უზრუნველყოფის მაღალი დონე.

1Q21-ში საქართველოს ბანკის წმინდა სესხების მოცულობამ ადგილობრივ და უცხოურ ვალუტაში 9.05 მლრდ ლარი შეადგინა, რაც y.y 13.8%-ით, ხოლო q.q 3.6%-ით გაიზარდა.

სესხების წლიური და კვარტალური ზრდა ძირითადად ლარის სესხებმა განაპირობა.