თბილისი ( GBC) -ზუთხის საბითუმო ფასმა ადგილობრივ ბაზარზე 27 ლარიდან 24 ლარამდე დაიწია. კომპანია „ჯორჯიან ფიშ ენდ ქავიარში“   ამას წარმოების გაზრდით ხსნიან. 2019 წელს კომპანიის თევზსაშენში ზუთხის 15 ათასი ლიფსიტა ჰყავდა, 2020 წელს 75 ათასი, ხოლო დღეისთვის მათი რაოდენობა 240 ათასამდეა გაზრდილი. როგორც კომპანიის დამფუძნებელი  მალხაზ შუბალიძე ამბობს, დიდი მეურნეობები საქართველოში რომლებიც სავაჭრო ქსელებს ამარაგებდენ ზუთხით  უკვე  „ჯორჯიან ფიშ ენდ ქავიარში“  ლიფსიტებით თევზიანდებიან. შესაბამისად,  აღარ შემოდის ლიფსიტა სომხეთიდან და რუსეთიდან. მოხერხდა ისიც, რომ  ზუთხის საბითუმო ფასი 27 დან 24 ლარამდე შემცირდა.„ჯორჯიან ფიშ ენდ ქავიარშმა “   ფუნქციონირება 2016 წელს დაიწყო 3 მილიონ დოლაიანი ინვესტიციით.  კომპანია წელიწადში 400 ტონა თევზს აწარმოებს და 3.5 ჰექტარზე ფუნქციონირებს.