თბილისი (GBC) - მაკროეკონომიკური სტაბილურობისთვის, მონეტარული პოლიტიკის (მპ) სარგებელზე, საქართველოს ეროვნული ბანკის პრეზიდენტი ბლოგპოსტში აღნიშნავს ("შეუძლებელი სამეულის")  სტატიაში შეფასებულია დამოუკიფებელი მპ-ს როლი საუბარია  მაკროეკონომიკური სტაბილურობის მისაღწევად, ინფლაციის თარგეთირების პირობებში.

საგარეო შოკები განსაკუთრებული გამოწვევაა, მცირე ღია ეკონომიკებისთვის, მათ შორის საქართველოსთვის. ეს გარემოება COVID-19-ის პანდემიის პირობებში კიდევ ერთხელ დადასტურდა - საგარეო მოთხოვნის შემცირება, განსაკუთრებით ტურისტულ ინდუსტრიაში, და განვითარებადი ქვეყნების მიმართ რისკის აღქმის ზრდა ფინანსური ნაკადების შემოდინებაზე უარყოფითად აისახა. და იმოქმედა  გაცვლით კურსსა და ინფლაციაზე.

სტატიაში თანახმად, ინფლაციის წნეხით კურსის გაუფასურებისას "როგორ  იქცევა სებ-ი "  გაქტიურებულ დისკუსიაში აუცილებელია დავფიქრდეთ, რამდენად დასაბუთებულია  პოპულარული მოსაზრება, რომ ფასების სტაბილურობის მიღწევა უფრო ადვილი იქნებოდა ეროვნული ბანკის მიერ გაცვლითი კურსის დაფიქსირების ან ლარის რომელიმე სხვა ვალუტით ჩანაცვლების პირობებში.

კანადელ ეკონომისტ რობერტ მანდელს, ბრიტანელ კოლეგა მარკუს ფლემინგთან ერთად, ფუნდამენტური წვლილი მიუძღვის ამ დებატებთან დაკავშირებული მნიშვნელოვანი საკითხის კონცეპტუალიზაციაში. პროფესორი მანდელი, რომელმაც აღნიშნული მიმართულებით განხორციელებული კვლევებისთვის ნობელის პრემიაც კი მიიღო, ახლახან გარდაიცვალა და მისი მნიშვნელოვანი წვლილის კიდევ ერთხელ განხილვა დღეს უფრო მეტ აქტუალობას იძენს. მარკუს ფლემინგთან ერთად, მის მიერ პოპულარიზებული საკითხი "შეუძლებელი სამეულის" სახელითაა ცნობილი, რაც იმას გულისხმობს, რომ ერთდროულად შეუძლებელია დამოუკიდებელი მონეტარული პოლიტიკის, ფიქსირებული გაცვლითი კურსის რეჟიმისა და კაპიტალის თავისუფალი მოძრაობის შენარჩუნება. სხვაგვარად რომ ვთქვათ, კურსის ფიქსირება დამოუკიდებელი მონეტარული პოლიტიკის გატარების შესაძლებლობას გამორიცხავს იმ შემთხვევაში, თუკი კაპიტალის თავისუფალი მოძრაობა არ შეიზღუდება.

სტატიაში ვრცლად არის განხილული ყველა ის უპირატესობა და გამოწვევა, რაც დამოუკიდებელ მონეტარულ პოლიტიკას მცურავი გაცვლითი კურსისა და კაპიტალის თავისუფალი მოძრაობის პირობებში შეიძლება გააჩნდეს.

სტატიის სრული ვერსიის ნახვა შესაძლებელია ბლოგზე.