თბილისი  (GBC) -  როდის ინებებთ კეთილს და როდის წახვალთ - "გირჩი" დაინტერესდა  სებ-ის პრეზიდენტობიდან  როდის გადადგება კობა გვენეტაძე, რომელსაც 2  წლის განმავლობაში თანამდებობიდან წასვლა არ უწევს და მუქარა უჩვეულო ეჩვენა. 

"თურმე ლარის კურსი არ გეხებათ. როგორც ვაშლი ძვირდება, ისე დოლარი ძვირდება. რომ ამბობთ, სებ-ის მიზეზით არავინ გაღარიბებულაო. სებ-ის პასუხომგებლობა, რომ მხოლოდ ეკონომიკის ზრდის აწევ-დაწევაა და სხვა არაფერი. გგონიათ ვინმეს სჯერა?", - კობა გვენეტაძეს ტექსტზე მუშაობა დაუწუნეს და სთხოვეს,  მორიგ საკომიტეტო მოსმენაზე წარადგინოს კვლევა,  სებ-ის ქმედებით, როგორ, რა მასშტაბით დაზარალდნენ მოქალაქეები, ჯგუფების მიხედვით (ფიქსირებულხელფასიანები, სტუდენტები, პენსიონრები ... ). საანგარიშო გამოსვლაზე გვენეტაძის მიერ ოთშაბათს წარმოდგენილი ლინკები "გირჩს" უაზროდ მოეჩვენა.

სებ-ის პრეზიდენტს, 2020-ის ანგარიშით პარლამენტში გამოსვლისას, ბევრი  ბრალდების მოსმენა მოუწია, მათ შორის  პანდემიურ წელს თანამშრომლებისთვის ₾5.5 მლნ -ის პრემიების გაცემაზე. დამატებითი განმარტებები არ გაუკეთებია. ისე სებ-ის პრეზიდენტობის პერიოდში პრემია თავად არასდროს აუღია. 

სებ-ის პრეზიდენტმა "გირჩს" უპასუხა, რომ სებ-მა სწორი მაკროეკონომიკური პოლიტიკა  გაატარა, რაზეც გავლენიანი  საერთაშორისო ექსპერტიზაც მოწმობს. მნიშვნელოვანი რეფორმები განახორციელა, რის შედეგად საფინანსო სექტორმა მდგრადობა შეინარჩუნა.  და პანდემია რომ არ ყოფილიყო უკეთესი შედეგიც დადგებოდა.  სებ-ის პრეზიდენტ, კომპეტენტური ორგანიზაციების შეფასება, გირჩის სამეფოს შეფასებით კრიტერიუმებზე სანდოდ მიაჩნია.