თბილისი (GBC) - „სოკარი“„გაზპრომთან“ თანამშრომლობის ახალ შესაძლებლობებს განიხილავს. რუსული მედიის ცნობით, ორმხრივი  შეხვედრები, როვგან აბდულაევის (აზერბაიჯანული „სოკარის“ პრეზიდენტი) და ალექსეი მილერის (რუსული გაზპრომის თავმჯდომარე)  მეთაურობით. უკვე გაიმართა.  მედია აზერბაიჯანისთვის რუსული გაზის მიწოდების განახლებაზე საუბრობენ.

როგორც იცით, აზერბაიჯანმა რუსული გაზის იმპორტი 2007 წელს შეწყვიტა, რაც შაჰ დენიზის საბადოს ჭაბურღილები შევიდა ექსპლუატაციაში.

2010-15 წლებში „გაზპრომი“ ყიდულობდა „სოკარისგან“. 2016 წლის ნოემბერში კი კომპანიები შეთანხმდნენ, რომ დარეზერვების მიზნით, აზერბაიჯანული „სოკარი“ „გაზპრომისგან“ 1.5 მლრდ.მ³-ს შეიძენდა.

შეგახსენებთ, რომ 2012 წლის მარტი-აპრილში რუსეთმა აზერბაიჯანის გავლით შემოიტანა ბუნებრივი აირი საქართველოში, სომხეთში ტრანზიტის მიზნით – ამ პერიოდში ჩრდილოეთ-სამხრეთ კავკასიის მილსადენზე (NSCP) გეგმიური სარემონტო სამუშაოები მიმდინარეობდა.

2020 წელს ბუნებრივ აირზე საქართველოს მოთხოვნის 99.8% დაკმაყოფილდა იმპორტით, ხოლო დარჩენილი 0.2% – ადგილობრივი მოპოვებით. გაზის მიწოდების უმთავრეს წყაროდ კი კვლავ აზერბაიჯანის რესპუბლიკა რჩება – საქართველოში იმპორტირებული ბუნებრივი გაზის 91% სწორედ მეზობელ სახელმწიფოზე მოდის.

2021 წლის ბუნებრივი გაზის ბალანსის მიხედვით, წელს საქართველო აზერბაიჯანიდან ჯამში 2.518 მლრდ მ³ გაზს მიიღებს. აქედან  შაჰ-დენიზის წილი 1.014 მილიარდია, „სოკარიდან“ მისაღები გაზის მოცულობა კი 1.504  მლრდ მ³-ს შეადგენს.