თბილისი (GBC) – TBC Bank Group PLC-ის (TBC PLC) აქციონერებმა AGM-ზე კენჭი უყარეს ვახტანგ ბუცხრიკიძის აღმასრულებელ დირექტორად ხელახლა დანიშვნას და მას მხარი 99.66%-მა დაუჭირა.

AGM– ის თარიღისთვის კომპანიას ჰქონდა  55,155,896 ჩვეულებრივი აქცია გამოშვებული (თითოეულის ნომინალური ღირებულება £0.01). ყველა აქციას თითო ხმის უფლება ჰქონდა.

AGM 14 ივნისს გაიმართა.

აქციონერთა 76.1%-მა (29,034,558) დაუჭირა მხარი დირექტორთა შრომის ანაზღაურების ანგარიშის დამტკიცებას, ხოლო მათი შრომის ანაზღაურების პოლიტიკას კი 96.17%-მა (38,535,269). 100%-მა დაამტკიცა მენეჯმენტის ცვლადი ანაზღაურების კოეფიციენტი (40,070,492).

„ჩვენ გავაგრძელებთ აქტიურ დიალოგს აქციონერებთან აღმასრულებელთა შრომის ანაზღაურების საკითხებზე, განსაკუთრებით მათთან, ვინც გადაწყვიტა ხმა რეზოლუციის წინააღმდეგ მიეცათ და განზრახული გვაქვს შემდგომი კონსულტაციები აქციონერებთან მათი პრობლემების გასაგებად“, - აცხადებს TBC PLC.

აქციონერებმა ასევე კენჭი უყარეს დირექტორების ხელახლა დანიშვნას.

მათ შორის კი ერან კლაინი, პერ ანდერს ფასტი და თაიმიოს ფი. კირიაკოპულოსი TBC PLC საბჭოს 2021 წლის 4 მაისიდან შეუერთდნენ. აბიჯიტ აკერკარი კი საბჭოს გასული წლის სექტემბერში შეუერთდა.

კენჭისყრის შედეგები ასეთია: