თბილისი (GBC) -საქართველოს ეროვნულ დონეზე განსაზღვრული წვლილის განახლებული დოკუმენტი ადგენს კლიმატის ცვლილების სტრატეგიისა და სამოქმედო გეგმის შესრულებისათვის 2021 წლიდან 2030 წლამდე პერიოდს, ინდივიდუალური შემარბილებელი ღონისძიებების განსაზღვრის გზით რაც თითოეული სექტორისთვის გაწერილი მიზნების მიღწევას განაპირობებს (2015 წელს, სათბურის აირების მთლიან ემისიებში ტრანსპორტის სექტორიდან სათბურის აირების გაფრქვევათა წილმა, დაახლოებით, 14% შეადგინა).

საქართველოს ეროვნულ დონეზე განსაზღვრული წვლილის დოკუმენტით გათვალისწინებული მიზნის მისაღწევად  საქართველო გეგმავს, 2030 წლისთვის, 15%-ით შეარბილოს სათბურის აირების ემისიები სატრანსპორტო სექტორში საბაზისო დონის საფუძველზე გაკეთებულ პროგნოზებთან მიმართებით.

არსებობს სატრანსპორტო საშუალებებიდან გამონაბოლქვის შემცირების რამდენიმე გზა

·         ავტომანქანის ნაცვლად გამოიყენეთ ველოსიპედი და იარეთ ფეხით, რაც დადებითად მოქმედებს ფიზიკურ და გონებრივ ჯანმრთელობაზე და ამავე დროს ზოგავს ფულს.

·         დიდ მანძილზე გადასაადგილებლად ისარგებლეთ საზოგადოებრივი ტრანსპორტით, ან ავტომანქანების გაზიარების სქემებით.

თუ ავტომანქანის გამოყენება აუცილებელია

·         განიხილეთ დიზელზე ან ბენზინზე მომუშავე ავტომანქანის ელექტრო ან ჰიბრიდულ მოდელზე გადაცვლის შესაძლებლობა.

·         გაჩერებისას გამორთეთ ძრავა.