თბილისი (GBC) - 1 250  პირს, ვინც  ასტრა-ზენეკას ვაქცინით  უნდა აცრილიყო, ქვეყნის მთავარი, ექიმი ბოდიშის მოხდით, სინოვაკით ჩანაცვლებას სთავაზობს, ან მოცდას. 

ამირან გამყრელიძის თქმით, 43 000 დოზა ვაქცინის შეფერხებაზე 22 ივნისს გამთენიისას გაირკვა. თუმცა რამდენიმე კვირის განმავლობაში მე-2-ჯერად  აცრაზე მისულ პაციენტებს, ვაქცინაციის ცენტრში, დაჟინებით ურჩევდნენ, რომ რამდენიმე კვირა მოეცადა, რადგან  I  და II  აცრას შორის ინტერვალი  ვაქცინის მოქმედებისთვის უკეთესი იქნებოდა და ბევრმა გადავადება აირჩია. 

დაავადებათა კონტროლის ცენტრის ხელმძღვანელი  პირობას დებს, 1 -ჯერ ვაქცინირებულს,  12 კვირაზე მეტი ვადით  მე-2  აცრა არ გადაუვადდება. 

ამ დროისთვის 2 ჯერადი აცრა 84 786 პირს აქვს ჩატარებული. ასტრა-ზენეკით მე-2-ჯერ აცრა 1 600 რეგისტრირებულს უწევს.

ნოვავაქსი შემოდგომამდე არ შემოვა, ჯონსონი და ჯონსონი, სავარაუდოდ უფრო ადრე  და  ვაქცინის დიდი არჩევანი, რასაც დაავადებათა კონტროლის ცენტრი, რამდენიმე კვირის  განმავლობაში აანონსებდა,  4 ვაქცინით შემოიფარგლება ( სინვაკი, სინოფარმი, ასტრა-ზენეკა და ფაიზერი). ივლისში სულ, 1 000 000 დოზა შემოვა.