თბილისი (GBC) - მშენებლობის ღირებულების ინდექსი 1.6%-ით შემცირდა (q.q).

აღნიშნული ცვლილება, საქსტატის განმარტებით, ძირითადად, განპირობებული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 19.7%-იანი კლებით (q.q), რამაც -6.05%-ული პუნქტი შეიტანა ჯამური ინდექსის ცვლილებაში.  

მიუხედავად იმისა, რომ კვარტალურად მშენებლობის გაძვირება დასაქმებულთა შემცირებამ შეაკავა, y.y მშენებლობის ღირებულების ინდექსი 8.69%-ით გაიზარდა.

ინდექსის ზრდა, ძირითადად, გამოწვეული იყო სამშენებლო მასალებზე ფასების 15.9%-იანი ზრდით (y.y), რაც 9.16%-ული პუნქტით აისახა მთლიანი ინდექსის ცვლილებაზე. სამშენებლო მასალების ფასი q.q 7.3%-ით გაიზარდა.  

უფრო ზუსტად, მშენებლობის სექტორში დაქირავებით დასაქმებულთა საშუალო თვიური ნომინალური ხელფასი 1Q21-ში 1,664.5 ლარი იყო, რაც y.y 2.3%-ით შემცირდა, q.q კი 19.3%-ით.

პანდემიამდელ პერიოდამდე, 2019 წლის 1Q-სთან შედარებით მშენებლობის სექტორში საშუალო ხელფასი 7%-ითაა გაზრდილი.

მშენებლობის სექტორში ჯამში 1Q21-ში 56,174 ადამიანი იყო დასაქმებული, რაც y.y 5.1%-ით, ხოლო q.q 17.1%-ითაა შემცირებული.

კლება ძირითადად ბინებისა და არასაცხოვრებელი შენობების მშენებლობაში დასაქმებულ პირვებზე მოდის. სადაც 1Q21-ში 27,470 პირი მუშაობდა, y.y კლება 5.5%, ხოლო q.q კლება 24.8%.