თბილისი (GBC) - „ამ ვიზიტების დროს „ქართული ოცნება“ჩვენი დასაცავი გახდა. ის არათანმიმდევრული, ხშირ შემთხვევაში სულელური ნაბიჯები, რომელსაც დღევანდელი პარტიის ხელმძღვანელობა დგამს -  მათი ეს ნაბიჯებიც ჩვენი დასაცავი გახდა, იმიტომ რომ, უბრალოდ, ეს ხალხი ხანდახან ივიწყებს და ვერ იაზრებს, რომ ისინი მარტო პარტიას კი არა, სახელმწიფოს მართავენ და თავიანთი არათანმიმდევრული და უსუსური ნაბიჯებით ქვეყანას და სახელმწიფოს აზიანებენ.“ - განაცხადა გიორგი გახარიამ მედიასთან ვაშინგტონსა და ბრიუსელში მისი ვიზიტების შესახებ. 

გიორგი გახარია ჟურნალისტებს ხუთშაბათს ესაუბრა გორში, სადაც პარტიის ,,საქართველოსთვის“ რეგიონული ოფისი გაიხსნა.