თბილისი (GBC) – Georgia Capital-მა  (GCAP) მის თავმჯდომარეს და CEO-ს ირაკლი გილაურს, 2020 წლის სამუშაო წლისთვის, ნულოვანი ღირებულების ოფციონები გადასცა ჩვეულებრივ აქციებზე დისკრეციული გადავადებული აქციების მიმართ.

გილაურს 160,000 ცალი GCAP-ის აქცია აღმასრულებელი კაპიტალის კომპენსაციის გეგმის შესაბამისად გადაეცა.

მისი მომსახურების ხელშეკრულების პირობების შესაბამისად, აქციების 25-25% გადაეცემა სამუშაო წლის შემდეგ მეორე, მესამე, მეოთხე და მეხუთე წელს.

დღეის მდგომარეობით, GCAP-ის აქციების ფასი £7-7.20-ის ფარგლებშია.

1 ივნისის მდგომარეობით, GCAP-ის თანამშრომელთა ბენეფიტების ტრასტი, Sanne Fiduciary Services Limited აღმასრულებელი დირექტორებისა და მენეჯმენტის ჯილდოებისთვის 3,331,316 აქციას ფლობდა (სააქციო კაპიტალის 6.95%), საიდანაც 1,404,610  აქცია არსებული ჯილდოებისთვის იყო გათვლილი.

ირაკლი გილაურმა ბოლოს, GCAP-ის აქციები მაისის ბოლოს შეიძინა (25,000 ც), რის შემდეგაც, ის ჯამში 1,935,587 ჩვეულებრივ აქციას ფლობდა Georgia Capital - ში (28 მაისისთვის).   აღნიშნული აქციების ღირებულება დღევანდელი ფასით, £14 მლნ-მდეა.