თბილისში გაყიდული უძრავი ქონების რაოდენობა პანდემიამდელ მაჩვენებელს უბრუნდება.  

თბილისში უძრავი ქონების გასაყიდი და იჯარის ფასი ზრდას აჩვენებს. მაისში გასაყიდი საცხოვრებელი უძრავი ქონების ფასები საშუალოდ 1.5%-ით გაიზარდა; მნიშვნელოვნად - 7.5%-ით გაიზარდა ქირის ღირებულება.

„150 ათას კვ.მ ფართზე მაისში თბილისის მასშტაბით 2300-მდე საცხოვრებელი უძრავი ქონება გაიყიდა, რაც 2019 წლის მაისთან შედარებით 21%-ით ნაკლებია“, - ვკითხულობთ TBC კაპიტალის კვლევაში. მაისშივე წინა წელთან შედარებიტ რეალიზებული საცხოვრებელი უძრავი ქონების რაოდენობა წინა წელთან შედარებით სამჯერ გაიზარდა.

შემცირების ერთ-ერთ მიზეზად მაისში გამოცხადებული უქმე დღეები სახელდება. რაც შეეხება ივნისს - 1-24 ივნისის პერიოდში გაყიდული უძრავი ქონების რაოდენობა პანდემიამდელ მაჩვენებელს 11%-ით აღემატებოდა, გასული წლის ანალოგიურ მონაცემს კი 68%-ით.