თბილისი (GBC) - 0.5 მლნ დოზა ფაიზერის მიღებამდე, აცრაზე რეგისტრაციის ტექნიკური პრობლემის მოგვარებაზე, ჯანდაცვის მინისტრმა საკოორდინაციო საბჭოს  პარასკევის  სხდომის შემდეგ განაცხადა.

ეკატერინე ტიკარაძის თქმით, საიტი გაიმართა და აცრის მსურველი  წინა პერიოდის მსგავსი პრობლემების წინაშე აღარ აღმოჩნდება. რაც მისი თქმით, მიწოდებაზე ათჯერ მაღალი მოთხოვნით იყო განპირობებული. 12 000 დოზას ითხოვდა 120 000  მოქალაქე. მინისტრის თქმით, ახლადგამართული საიტი დროს აღარ აურევს  და პროგრამაზე მიმართვებს უშეცდომოდ გადაანაწილებს. გამტარიანობა გაზრდილია. დასტურს მოქალაქე 24 სთ ში მიიღებს.

მინისტრის ინფორმაციით, ფაიზერის მეორად აცრაზე  რეგისტრაცია გამოცხადდა და პირველად აცრაზე  ჩატვირთვისთანავე გამოცხადდება. მისივე რეკომენდაციით, დამატებითი, დაზუსტებული ინფორმაციის მიღება 1 443 ცხელი ხაზით შეგვიძლია.  3 -ჯერ დაკავშირებისას დაზუსტებულის ინფორმაციის მოწოდება სამივე ოპერატორს გაუჭირდა  და ზარის დაყოვნების შემდეგაც ვერცერთმა  დააზუსტა.

მათ ხელთ არსებული ინფორმაციით, ამ დროისთვის  მეორადი აცრისთვის  156 962  ვაქცინაა ხელმისაწვდომი. თუმცა მინისტრმა  32 000 -ზე ხელმისაწვდომობის  თაობაზე განაცხადა.

მინისტრმა სისტემის გადატირთვის თავიდან ასაცილებლად   აცრის ბრიგადების დამატებაზე და სამუშაო დროის გახანგრძლივებაზე განაცხადა. როგორც იცით ამაღამ  0.5 მლნ ფაიზერი შემოდის (აშშ-ს დახმარება).