თბილისი (GBC) – TBC Capital-ის ინფორმაციით, 13-19 ივლისის პერიოდში მოსახლეობის მიერ უნაღდო ხარჯების ზრდამ სასურსათო და სააფთიაქო პროდუქტებზე 44% შეადგინა (y.y), რაც თითქმის იგივე დონეზეა რაც წინა კვირას. 2019-თან შედარებით კი ზრდამ 113% შეადგინა.

სხვა კატეგორიებში უნაღდო დანახარჯების ზრდა, სასურსათო და სააფთიაქო პროდუქტების გარდა, იმავე პერიოდში 42% –ით გაიზარდა (y.y), 2019-თან შედარებით კი 93%-ით.

სასტუმროებში უნაღდო ხარჯების ზრდამ, თიბისი ბანკის არხების საშუალებით, წინა კვირასთან შედარებით მნიშვნელოვანი გაუმჯობესება აჩვენა, 2019-თან შედარებით კი ზრდამ 46% აჩვენა.

13-19  ივლისის პერიოდში რესტორნებსა და კაფეებში კვლავ მოცულობითი ზრდაა - ჯამში 73% 2019-თან შედარებით.

ტანსაცმელზე უნაღდო დანახარჯების ზრდა წინა კვირასთან შედარებით თითქმის უცვლელია. 2019 - თან შედარებით,  - 98%.

გასართობად უნაღდო ხარჯები დარჩა პოზიტიური ზრდის ნიშნულზე და იმავე პერიოდში 7% შეადგინა (2019-ის 13-19 ივლისთან შედარებით).

უნაღდო ხარჯების ზრდამ ფიტნესზე 86% შეადგინა, რაც წინა კვირასთან შედარებით მნიშვნელოვნადაა გაზრდილი.

სამშენებლო მასალებზე უნაღდო ხარჯების ზრდა მნიშვნელოვანი დარჩა და 13-19 ივლისის პერიოდში 84% -იანი ზრდა აჩვენა.

უნაღდო ხარჯვამ ავეჯსა და ტექნიკაზე +75% შეადგინა; ელექტრონიკაზე უნაღდო ხარჯების ცვლილებამ +50% შეადგინა; პირადი მოვლის უნაღდო ხარჯებმა +92%; სხვა სამომხმარებლო საქონელზე უნაღდო ხარჯებმა +59% შეადგინა.

ავტომობილების შეკეთებაზე უნაღდო ხარჯების ცვლილება თითქმის უცვლელი დარჩა წინა კვირასთან შედარებით, ანალოგიურ პერიოდში +67%; საწვავზე და ტრანსპორტზე უნაღდო ხარჯების ზრდამ +62% შეადგინა.

13-19 ივლისის პერიოდში ექიმის ვიზიტებზე უნაღდო ხარჯები გაორმაგდა და 100%-ს გადააჭარბა, ხოლო სამედიცინო აღჭურვილობის უნაღდო ხარჯვის ცვლილებამ +91% შეადგინა იმავე პერიოდში.