თბილისი (GBC) -  აშშ-ის ელჩი აცრი მსურველთა რაოდენობის მნიშვნელოვანი ზრდით მოხარულია . "ეს ძალიან მნიშვნელოვანია, განსაკუთრებით ახლა, დელტა შტამის გამოვლენით გაზრდილი რისკის პირობებში, -  განაცხადა საქართველოში აშშ-ის ელჩმა კელი დეგნანმა განაცხადა, რომელიც ჯანდაცვის მინისტრთან ერთად თბილისის რესპუბლიკურ საავადმყოფოში ვაქცინაციის პროცესს გაეცნო.

„შესანიშნავია, რომ მოვედი აქ, ცენტრალურ რესპუბლიკურ საავადმყოფოში და ვნახე ამდენი ქართველი, რომელიც იცრება. აშშ მოხარულია, რომ შეძლო კორონავირუსის საწინააღმდეგო „ფაიზერის“ 500 000 დოზის გადმოცემა და ჩვენ ნამდვილად მოხარულები ვართ, რომ ვხედავთ, ამდენი ქართველი მოდის რეგისტრაციასა და ვაქცინაციაზე.

ვაქცინაცია საუკეთესო გზაა პანდემიისგან საკუთარი თავის, საყვარელი ადამიანებისა და ეკონომიკის დასაცავად. კიდევ ერთხელ მოვუწოდებ ხალხს – გთხოვთ, აიცერით, ძალიან მნიშვნელოვანია ვაქცინის გაკეთება. აშშ ეხმარება საქართველოს პანდემიის დაწყებიდან და ჩვენ გვსურს, დაგეხმარით ამ ფაზაშიც, ვაქცინაციის ფაზაში. ეს არის ის, რაც ნამდვილად დაამარცხებს პანდემიას. ეს უსაფრთხო და ეფექტიანი ვაქცინაა. აიცერით!“, – განაცხადა კელი დეგნანმა.

ჯანდაცვის მინისტრის  ინფიცირების  ზრდის პრევენციისთვის შეზღუდვებზე  უფრო უმთავრესად  თვითრეგულაცია მიაჩნია. ერთმანეთს უნდა მოვუწოდოთ პირბადის ტარებისკენ,  ბოლო პერიოდის სხვადასხვა კულტურ- შემეცნებითი აქტივებში, ფესტივალებში, მონაწილეობის თავშეკავებისკენ.