თბილისი (GBC) - მე ვიმყოფები ახალციხეში, რათა ვნახო, თუ როგორ ხდება ვაქცინების რეგიონებში დისტრიბუცია. სამუშაოები აქ ძალიან კარგად არის ორგანიზებული, შესანიშნავია, რომ ვხედავ ასაცრელად მოსულ ამდენ ქართველს. „ფაზიერის“ დოზები არის ამერიკელი ხალხისგან საჩუქარი და ჩვენ მოხარული ვართ, რომ შევძელით მათი ქართველებისთვის გადმოცემა, რადგან ეს არის საუკეთესო გზა ქართველების, მათი ოჯახების, საყვარელი ადამიანების დასაცავად. ეს არის უსაფრთხო და ეფექტიანი ვაქცინა. იმედი მაქვს, რომ მეტი ქართველი მოვა და აცრას გაიკეთებს. გთხოვთ, აიცერით“, – განაცხადა საქართველოში აშშ-ის ელჩმა კელი დეგნანი ახალციხის რეფერალურ საავადმყოფოში, სადაც მას ჯანდაცვის მინისტრი ეკატერინე ტიკარაძეც ახლდა.

ელჩმა ვაქცინაციის მნიშვნელობაზეც ისაუბრა. აღნიშნა, რომ ინფიცირების შემთხვევების ზრდა არავაქცინირებულებში აღინიშნება, - „მეცნიერება, სტატისტიკა აჩვენებს, რომ რაც შეიძლება მალე აცრა არის საუკეთესო გზა“.

აშშ -ი კიდევ ხომ არ მოგვაწოდებს ვაქცინას, კითხვის საპასუხოდ ელჩმა თქვა, რომ ჯერ არსებული ვაქცინებია ასათვისებელი.