თბილისი (GBC) - საქართველოს ბანკის კაპიტალიზაცია ლონდონის საფონდო ბირჟაზე ერთ კვირაში 6.2%-ით შემცირდა, თუმცა ის £762 მლნ-ით ყველაზე მაღალი კაპიტალიზაციის ქართული კომპანიაა.

საქართველოს ბანკის ჯგუფის (BGEO LN) აქციები 15.5 ბრიტანულ ფუნტ სტერლინგში (GBP), წინა კვირასთან შედარებით 6.29%-ით დაბალ ნიშნულით დაიხურა. 

კვირის განმავლობაში ვაჭრობის მოცულობამ 167 000 აქციაზე მეტი შეადგინა.

გასულ კვირას ლონდონის საფონდო ბირჟაზე ქართული კომპანიების კაპიტალიზაცია 90 მლნ ფუნტით გაიზარდა და 1.892 მლრდ ფუნტს მიაღწია. ბირჟაზე 3 ქართული კომპანიის აქციებით ივაჭრება, საქართველოს ბანკი, თიბისი ბანკი და Georgia Capital-ი.