თბილისი (GBC) - წმინდა ექსპორტის მაჩვენებელი მნიშვნელოვნად გაუმჯობესდა.

საქსტატის მონაცემებით, 2021 წლის იანვარ-ივლისში წმინდა ექსპორტმა 1.662 მლრდ დოლარს მიაღწია, რაც 30.7%-ით მეტია ვიდრე 2020 წლის ანალოგიურ პერიოდში. მაჩვენებელი ასევე გაზრდილია პანდემიამდელ 2019 წლის იანვარ-ივლისთან შედარებით, 7%-ით.

ექსპორტმა რეექსპორტთან ერთად 2.275 მლრდ დოლარს მიაღწია, რაც 27.8%-ით მეტია გასული წლის შესაბამისი პერიოდის მაჩვენებელზე.

უმსხვილესი საექსპორტო ქვეყანა ჩინეთია (352.2 მლნ დოლარი), მეორე ადგილზეა რუსეთი (293.9 მლნ დოლარი), მესამე პოზიციაზე კი თურქეთი (180.1 მლნ დოლარი).

2021 წლის იანვარ-ივლისში ადგილობრივი ექსპორტის ათეულში პირველ ადგილზე სპილენძის მადნები და კონცენტრატებია 465.9 მლნ დოლარით, სასაქონლო ჯგუფის წილი ადგილობრივი ექსპორტის 28%-ია. მეორე ადგილზეა ფეროშენადნობები 228.5 მლნ დოლარით (ექსპორტის 13.7%), მესამე ადგილს იკავებს ყურძნის ნატურალური ღვინოები 123.9 მლნ დოლარით (7.4%).