თბილისი (GBC) - ლარის და უცხოური ვალუტის დეპოზიტების სარგებელს შორის სხვაობა ისტორიულ მაქსიმუმზეა. Ეროვნულ ვალუტაში დენომინირებულ ვადიან დეპოზიტებზე საპროცენტო განაკვეთებმა ზრდა ივლისშიც განაგრძო და საშუალოდ 10.2% შეადგინა (თ/თ +0.2 პპ), უცხოური ვალუტის დეპოზიტების საპროცენტო განაკვეთებმა კი კვლავ კლების ტენდენცია შეინარჩუნა და საშუალოდ 0.9%-მდე შემცირდა (თ/თ -0.2 პპ).

Ერთდროულად ლარის დეპოზიტებზე განაკვეთის ზრდის და უცხოური ვალუტის დეპოზიტებზე განაკვეთის ვარდნის იშვიათმა კომბინაციამ დიფერენციალის ისტორიულად მაღალი ნიშნული განაპირობა - TBC Capital-ის მონაცემებით, ივლისში საპროცენტო განაკვეთებს შორის სხვაობამ ივნისის უკვე რეკორდულ მაჩვენებელს გადააჭარბა და 9.3% შეადგინა.

დეპოზიტების წლიური ზრდის ტემპი აპრილიდან მოყოლებული ნელდება და ივლისში 12.9% -ს გაუტოლდა, რაც წინა თვესთან შედარებით 3.8 პპ-ით ნაკლებია. ზრდა შემცირებულია, როგორც ლარის (წ/წ 16.8%), ასევე უცხოური ვალუტის დეპოზიტებშიც - წ/წ 10.5%