თბილისი (GBC) - 2021 წლის 30 სექტემბერს  გამართულ საქართველოს ეროვნული ბანკის სავალუტო აუქციონზე სებ–მა 60 000 000 აშშ დოლარი გაყიდა. საშუალო შეწონილმა გაცვლითმა კურსმა 3.1186 შეადგინა.  

სებ-მა ვალუტა წინა აუქციონთან შედარებით, უფრო დაბალი კურსით გაყიდა. წინაზე, 20 აგვისტოს, 30 მლნ -იანი ინტერვენციით, მიმოქცევიდან 94 მლნ ლარამდე ამოიღო. სულ, აგვისტო-სექტემბერში კი 280 მლნ ლარზე მეტი..

2021 წლის განმავლობაში ეროვნული ბანკს ბაზრისთვის   348  მლნ აშშ დოლარი  აქვს მიწოდებული. აქედან  9 აუქციონით $333  მლნ , დანარჩენი კი BMatch პლატფორმაზე ვაჭრობით (ყიდვა-გაყიდვა).

აგვისტოში, სებ-ს მიწოდების საპირისპიროდ, ბაზრიდან, $200 000 აქვს ამოღებული. ამასთან იმავე, აგვისტოში აუქციონით მიწოდებულია $30 მილიონი. გამოდის, რომ სებ-ს  აგვისტოში, ლარის მიწოდების  და ამოღების საჭიროება ერთდროულად დაუდგა. $30 მლნ-იანი ინტერვენციით, მიმოქცევიდან 90 მლნ ლარი ამოიღო, და BMatch -ით 0.5 მლნ ლარი მიაწოდა.

ფინანსისტების განმარტებით, აგვისტოში  ბაზარი არეული იყო, თუ მონაწილეების და სებ-ის ქცევას დავაკვირდებით. BMatch-ზე  სებ-მა აგვისტოში ბანკებისგან უფრო მეტი დოლარი იყიდა, ვიდრე მიჰყიდა და შესაბამისად  ნაშთი გამოვიდა მინუსით (- 200 000 აშშ დოლარი).

როგორც ცნობილია, BMatch პლატფორმის კურსი საბაზროსთან ყველაზე  მეტად მიახლოებულია. ამასთან  ამ პლატფორმაზე სებ-ის ყოფნა, ბაზრის არევისას, მის ჩარევას ემსახურება. ცენტრალური ბანკი ბანკთაშორის ვაჭრობაში ერთვება მაშინ, როცა ლარის ($/₾) კურსი იწყებს რყევას, გაუფასურების ან გამყარების მიმართულებით. თუ რომელიმე ტრენდი აღინიშნა, უკვე ის დროა, როცა BMatch-ის წესი უნდა ამოქმედდეს. და თუ კურსი გაუფასურებისკენ ირყევა, სებ-ი აშშ დოლარს ყიდის, თუ ლარის გამყარებისკენ გადაიხარა, მაშინ ყიდულობს.

აგვისტოში, სებ-ს, სავალუტო ვაჭრობაში ჩარევისკენ, უფრო მეტჯერ, ლარის ზედმეტად გამყარების საფრთხეებმა უბიძგა.

საფრთხის წარმოდგენა ვისაც უჭირს, ერთ ყველაზე მარტივ მაგალითს მოვიხმობთ:  აგვისტოს ამა თუ იმ დღის, გარკვეულ მონაკვეთში, სებ-ი ჩაერია, როცა სავალუტო ბაზარი ყველაზე "მოწყვლადი "იყო (არა მოცულობითი).

ამ დროს, მცირე ტრანზაქციას, ან ერთ გარიგებასაც კი, შესაძლოა მოეხდინა გავლენა და გამოეწვია კურსის რყევა. სებ-მა  როგორც  კი დაინახა, რომ კურსი, ლარის ზედმეტად გამყარებისკენ გადაიხარა, ჩაერია და აშშ დოლარი იყიდა.  ასევე  ჩაერეოდა ლარის ზედმეტად გაუფასურებისას. მხოლოდ, პირიქით, აშშ დოლარს იყიდდა.