თბილისი (GBC) -საქართვლოს რკინიგზას ნავთობის გადაზიდვები თითქმის გაუორმაგდა. წლის პირველ ნახევარში საქართველოს რკინიგზამ 2.1 მლნ ტონა ნავთობპროდუქტები გადაზიდა, რაც წინა წლის შესაბამის პერიოდს 46.7%-ით აღემატება და 2015 წლის შემდეგ ყველაზე მაღალი მაჩვენებელია.

0.4 მლნ ტონით გაიზარდა გადაზიდვები თურქმენეთიდან, 0.3 მლნ ტონით კი აზერბაიჯანიდან. აღსანიშნავია რომ მთლიან გადაზიდვებში რუსეთის წილი იკლებსმ ხოლო აზერბაიჯანის და თურქმენეთის იმატებს . რეგიონში ნავთობპროდუქტების გადაზიდვის მაჩვენებლის ზრდა მსოფლიო ბირჟებზე მისი ფასის ზრდას უკავშირდება რომელიც ბარელზე $80-ს გადასცდა.

ჯამში საქართველოს რკინიგზამ წლის პირველ ნახევარში 6 მლნ ტონა ტვირთი გადაზიდა, რაც წლიურად 10.1%-იანი ზრდაა. შედეგად კომპანიამ $83.6 მლნ-ის შემოსავალი მიიღო, რაც 3.4%-ით გაზრდილი მაჩვენებელია, თუმცა სახელმწიფო რკინიგზა კვლავ ზარალიანია და მოგებაზე გასვლას ვერ ახერხებს.