თბილისი (GBC) - საქართველოში სასტუმროების ფასების ინდექსი 2021 წლის სექტემბერში, 2021 წლის აგვისტოსთან შედარებით, 6.6%-ით შემცირდა, მათ შორის 3, 4 და 5 ვარსკვლავიანი სასტუმროების ფასების ინდექსი შემცირდა 8.4%-ით, ხოლო საოჯახო ტიპის სასტუმროების ფასები 3.2%-ით. PMCG-ის კვლევის მიხედვით, 2021 წლის სექტემბერში, 2019 წლის სექტემბერთან შედარებით, სასტუმროების ფასების ინდექსი 0.9%-ით გაიზარდა, მათ შორის 3, 4 და 5 ვარსკვლავიანი სასტუმროების ფასების ინდექსი 0.8%-ით გაიზარდა, ხოლო საოჯახო ტიპის სასტუმროების ფასები 3.4%- ით შემცირდა.

2021 წლის სექტემბერში, საქართველოში 3-ვარსკვლავიანი სასტუმროების საშუალო ფასმა1 143 ლარი შეადგინა, ხოლო 4-ვარსკვლავიანი სასტუმროების საშუალო ფასმა - 263 ლარი. საოჯახო ტიპის სასტუმროების საშუალო ფასმა ივლისში 85 ლარი შეადგინა. 

5-ვარსკვლავიან სასტუმროთა საშუალო ფასმა სექტემბერში 497 ლარი შეადგინა. გურიაში, ამ ტიპის სასტუმროებში, სტანდარტული 2-ადგილიანი ნომრის საშუალო ფასმა 694 ლარი შეადგინა, თბილისში - 642 ლარი, კახეთში - 539 ლარი, ხოლო აჭარაში - 485 ლარი.