თბილისი (GBC) - ფინკა ბანკს საბანკო ლიცენზია გაუუქმდა -შესაბამისი განკარგულება ეროვნულმა ბანკმა გამოსცა. მიზეზი - ფინკას კრედო ბანკის მიერ შეძენაა. კრედო იმედოვნებს რომ ტრანზაქციის სრულად დასრულების შემდეგ საქართველოში #6-ე ბანკი გახდება. 

ამასთან, ეროვნული ბანკის დადგენილებით ფინკას რეზერვები, ყველა სავალუტო საკასო და სადეპოზიტო ანგარიშები კრედოს ბალანსზე გადაირიცხება. მიმდინარე წლის 31 დეკემბრამდე ფინკას უნარჩუნდება RTGS სისტემის მონაწილის კოდი - როგორც კრედო ბანკის დროებითი კოდი. წლის ბოლომდე კრედო გამოიყენებს ფინკასთვის მინიჭებულ IBAN კოდსაც. სებ-ის განკარგულებაში ვკითხულობთ რომ   „კრედო   ბანკზე“,   როგორც   სს   „ფინკა   ბანკი   საქართველოს“ სამართალმემკვიდრე პირზე, უცვლელად უნდა გადავიდეს საქართველოს ეროვნული ბანკის მიმართ არსებული სასესხო ვალდებულებები.