თბილისი (GBC)- ოქტომბერში ინფლაცია აჩქარდა და წლიურმა ზრდამ 12.8%-ს მიაღწია (09/2021 -12.3%). წინა თვესთან შედარებით ინფლაციის დონე კი  1.3%-ით განისაზღვრა.საქსტატის ცნობით, საბაზო ინფლაციის მაჩვენებელმა 2021 წლის ოქტომბერში, გასული წლის შესაბამის პერიოდთან შედარებით 6.3% შეადგინა, თამბაქოს გარეშე წლიური საბაზო ინფლაციის მაჩვენებელი კი 6.2%-ით განისაზღვრა.

ოქტომბერში პური 5.5%-ით, კარტოფილი და პომიდორი 9%-ით, რძე და კვერცხი  3.6%-ით,  შაქარი  1.2%-ით გაძვირდა.

ამასთან, ფასები შემცირდა ხილსა და ყურძენზე (-1.1%). გაძვირდა  ტანსაცმელი და ფეხსაცმელი, 3.7% და 17.8%-ით , რაც თვის ინფლაციაზე 0.3%პ ით აისახა.

წლიური ინფლაციის  (12.8%) ფორმირებაზე ძირითადი გავლენა  (5.7%პ) იქონია სურსათის და უალკოჰოლო სასმელების 18.4%-ით გაძვირებამ.

ბოსტნეული და ბაღჩეულის ფასი გაზრდილია 43%-ით, ზეთი 31.6%-ით,  პური და პურპროდუქტები 19.4%-ით,  რძის ნაწარმი 18.2%-ით. წვენების13%-ით, 

გაძვირებულია ავტოსერვისიც (29%-ით).