თბილისი (GBC)  -  „აგრო სოლუშენსი“ გერმანიის საერთაშორისო თანამშრომლობის საზოგადოებისა   (GIZ) და REC Caucasus-ის მხარდაჭერით  გარემოსდაცვითი ცნობიერების ასამაღლებელ პროექტს - “ესაუბრე ბუნებას - Talk to Nature ” ახორციელებს.

„ესაუბრე ბუნებას“ ინოვაციურ იდეათა კონკურსის, „გრინოვეიშენის“ გამარჯვებულია, რომელიც GIZ-ის პროგრამის „ეკოსერვის“  (ECOserve) – ის ფარგლებში ჩატარდა.

პროექტის გახსნითი ღონისძიება   შაბათს, 20 ნოემბერს, 13:00 საათზე, მზიურის პარკში გაიმართება.

მოდი, დაასკანერე და იფიქრე! - ამ დევიზით, მზიურის პარკში არსებულ ხეებზე QR კოდები  განთავსდება. QR კოდების მეშვეობით მოქალაქეები გაეცნობიან ინფორმაციას  გარემოსდაცვითი გამოწვევების შესახებ: კლიმატის ცვლილების უარყოფითი ზეგავლენა, ნარჩენების გადამუშავების საკითხები, როგორ გამოვიყენოთ ალტერნატიული ენერგორესურსები და მივაღწიოთ ენერგოეფექტურობას.

QR კოდებში არსებული ინფორმაციები თემატურია და მოიცავს:

o        ჰაერის დაბინძურებას საქართველოში

o        წყლის დაბინძურება და წყლის რესურსები საქართველოში

o        წითელი ნუსხის სახეობები

o        მწვანე საფარი თბილისში

o        დაცული ტერიტორიები

o        ენერგოეფექტურობა

o        ალტერნატიული ენერგო რესურსები

 QR კოდები ეტაპობრივად გამოჩნდება თბილისის სხვადასხვა სკვერებსა და პარკებში, რათა საზოგადოების მაქსიმალურად ფართო წრემ შეძლოს გაიგოს ქვეყანაში არსებული მძიმე გარემოსდაცვით პრობლემების შესახებ.