თბილისი (GBC) -  სპირტიანი  სასემელების უმსხვილესი ექსპორტიორი „კ და ქართული სპირტი“  წელს 7  მლნ ლარის დივიდენდებს ინაწილებს. პანდემიურ  2020-ში კი მფლობელებმა  (ვახტანგ კარიჭაშვილი & გიორგი ღამბაშიძე) კაპიტალის (25.7 მლნ ლარი) 14.8% - 3.8 მლნ გაიყვეს. 2019-ის ბოლოს კი "კ&სპირტი" 26.1 მლნ ლარის კაპიტალით იყო წარმოდგენილი.

სპირტის (80%-მდე)  იმპორტიორის  2020-ის მთლიანი მოგება 23.7 მლნ ლარია (2019 – 21.9 მლნ ლარი). 

შემოსავლების სამსახურის რეპორტალზე ხელმისაწვდომი ინფორმაციით,  კომპანიის ბრუნვა 2020-ში 10%-ით გაზრდილია, 63 მლნ ლარამდე (2019 – ₾ 58 მლნ). მთლიანი აქტივები 2020-ის ბოლოს  60 მლნ ლარს აღწევდა. 10 უმსხვილეს იმპორტიორში, რომელთა ჯამური ბრუნვა 100 მლნ აშშ დოლარამდეა, კომპანია 20%-იანი წილით არის წარმოდგენილი, თუმცა  ბიზნესჯგუფი  ბაზარზე რამდენიმე კომპანიით ოპერირებს.

"კ და ქართული სპირტის“ ჯგუფში ერთიანდება: შპს GVMT Group; შპს ,,გრუზვინპრომი’’ და მისი მფლობელი შპს ,,ბოლერო და კომპანი’’. ასევე ფოთის პორტის თავისუფალ ინდუსტრიულ ზონაში სასაწყობე ტერმინალი/ტერიტორია. კომპანიას სპირტი ძირითადად უკრაინა/ რუსეთი/ ყაზახეთი/საფრანგეთში გააქვს.

კომპანიის 80% წილის მფლობელი რუსეთ- საქართველოს (ორმაგი)  მოქალაქე ვახტანგ კარიჭაშვილია, რომელიც  Bolero & Company-ს და  ჯიესპი გრუპ-ის მოწილეცაა.

კომპანიები შედის  სპირტიანი სასმელების ექსპორტიორთა  ტოპ 10 -ში, რომელთა  ჯამური ბრუნვა, 2021-ის 10 თვეში 93.7 მლნ აშშ დოლარია (ექსპორტის რაოდენობა: 25.5 ათასი ტონა). პანდემიურ 2020-ში კი იმპორტირებულია  $ 81.3 მლნ-ის 21.4 ტონა.

წყარო: საქსტატი