თბილისი (GBC)- ირაკლი ღარიბაშვილის ანგარიშით, გაისად  ₾65 მლრდ -მდე გაზრდილი ეკონომიკის პირობებში, 1 სულ მოსახლეზე მშპ $ 5 500 ლარს გადააჭარბებს. პრემიერის თქმით,  პანდემიის მიუხედავად 2022 წლის ბიუჯეტის პროექტში კაპიტალური დანახარჯები არ მცირდება. დაგეგმილია 5.9 მლრდ  ლარი (მშპ-ს 9.15).

„ჩვენი პროგნოზით, წლის ბოლოს ორნიშნა ეკონომიკურ ზრდაზე გავალთ, რამაც საშუალება მოგვცა, რომ წელს პირველად დამტკიცებულ ვარიანტთან შედარებით, ბიუჯეტი გაგვეზარდა 1 მილიარდ 310 მილიონი ლარით. ამას გარდა, ვალის შემცირებაც ასევე მოვახერხეთ და 2022 წელს მშპ-სთან მიმართებით, 60%-დან, რომელიც იყო ქვეყნის საგარეო ვალი, შემცირდება ჩვენი ვალი 51,1%-მდე. ნაერთი ბიუჯეტი იქნება 21,8 მილიარდი ლარი. 2022 წელს დაგეგმილი გვაქვს 6%-იანი ეკონომიკური ზრდა", - პრემიერმა ბიუჯეტის დეფიციტის 4.2%-მდე შემცირებაზე განაცხადა.

2020-ში ნაერთი ბიუჯეტის დეფიციტმა 9%-ს გადააჭარბა , წელს,  მთავრობის მოლოდინით 6.5% -მდე  ჩამოვა, 2022 -ში კი 4.4% -მდე, რაც 2023 წლის სამიზნეზე (3%) გასვლის შესაძლებლობას აჩენს.