თბილისი (GBC) - რატომ არის საქართველოში სხვა ქვეყნებზე მაღალი, 12.5% ინფლაცია, - სებ-ის პრეზიდენტმა პარლამენტში დეპუტატების დასმული კითხვების საპასუხოდ განაცხადა: იმიტომ არის, რომ შოკის ხასიათი განსხვავებულია.  ტურიზმზე დამოკიდებულ ქვეყანას მობილობამ დაარტყა და $3 მლრდ დააკლდა. სხვა ქვეყნებში უფრო  ნაკლები იმიტომ არის, რომ მიმდინარე ანგარიშის დეფიციტი ნაკლებად გაუუარესდა. მაგ: სომხეთს გაუუმჯობესდა კიდეც. სებ-ის პრეზისდენტმა პანდემიურ წლის სუბისდირების დროებითი პროგრამების მოქმედების გავლენაზეც აღნიშნა. მოიხმო  სხვა ქვეყნების ინფლაციაც,  11/2021-ის მდგომარეობით:  აზერბაიჯანის, სომხეთის, მოლდოვას, ყაზახეთის, ლიეტუვას და ესტონეთის: 10%, 9.6%; 12.4%; 8.9%; 9.2%; 8.8% 

კობა გვენეტაძეს დეპუტატებისთვის ინფლაციის განმარტება მოუწია, რომ ის ფასების საშ ზრდაა, რომელსაც სტატისტიკის სამსახური ეროვნული ანგარიშების მიხედვით 308 საკალათე პროდუქტის მონაცემებით ითვლის.

სებ-ის პრეზიდენტმა ერთ-ერთ დეპუტატს აუხსნა, რატომ მიირთმევს ხინკალს უფრო ძვირად. იმიტომ რომ ფქვილი გაძვირდა და ხორბლის ტრანპორტირებაც.

გვენეტაძემ ფასების სტაბილურობის 2 მახასიათებელზე გაამახვილა ყურადღება: ყოვლისმომცველობა და განგრძობითობა. და სებ-ი, ასევე სხვა საერთაშორისო საფინანსო ინსტიტუტები მიიჩნევენ, რომ განგრძობითობა არ არის, ინფლაცია შემცირდება. "ჩვენ  მარტო არ ვართ ამ შეფასებებში. ის ორგანიზაციებიც, რომლებსაც ჭკუა მოეკითხება  ასე მიიჩნევენ. ინფლაცია გაზაფხულიდან შემცირდება".  დეკემბერ-იანვარ-თებერვალში 12.%-ზე მაღალი  ინფლაციაა მოსალოდნელი, შარშანდელი სუბსიდიის გამო, ასევე ემატება  + 1.3%, შეცვლილი სტატისტიკური მეთოდოლოგიის წილად. 2022-ში 7.2% წლიური ინფლაციაა მოსალოდნელი. 

ლარების ბეჭდვის ეთიკურობაზე გირჩს სებ-ის პრეზიდენტმა უპასუხა, რომ დღევანდელ მონეტარულ სისტემაში ფულის შექმნის მექანიზმი სხვანაირია, სესხის აღების სანაცვლოდ ხდება. შესაძლოა ბიუჯეტიდან გამოიყოს ან კომერციულმა ბანკებმა გასცეს. რატომ შეწყდა ზარაფხანაში მონეტების  მოჭრა, ამაზე პასუხი არ გააჩნია.