თბილისი (GBC) - საქართველოში სასტუმროების დატვირთულობა ნომბერში 39% იყო, რაც ოქტომბერთან შედარებით, 6%-ით შემცირებული მაჩვენებელია. TBC Capital-ის მონაცემებით, დატვირთულობა 51%-ს აღწევს დიდი სასტუმროების შემთხვევაში, რაც 2019 წლის ანალოგიურ პერიოდს 11%-ით აღემატება. მცირე და საშუალო ზომის სასტუმროების დატვირთულობა კი მხოლოდ 29%-ია.

5%-ით შემცირდა სასტუმროების დატვირთულობა თბილისში და მან ნოემბერში 54% შეადგინა.

დატვირთულობა პანდემიამდელ მაჩვენებელს აღემატება კახეთშიც სადაც ნოემბერში სასტუმროები 43%-იანი დატვირთვიტ მუშაობდნენ - 73%-ით მეტი ვიდრე 2019 წელს.

მნიშვნელოვნად შემცირდა დატვირთულობა საზღვაო ქალაქებში და მან ჯამში 17% შეადგინა.

ნოემბერში TBC-ის არხებით განხორციელებული გადახდები სასტუმროებში 8%-ით ჩამორჩებოდა 2019 წლის მონაცემს. თბილისში ეს მაჩვენებელი გაცილებით დიდი - 14% იყო.

ამასთან , არარეზიდენტების მიერ ნოებერში საბანკო გადახდები სასტუმროებში (TBC-ის მეშვეობით) მიმდინარე წლის ყველაზე მაღალ ნიშნულზე დაფიქსირდა.