თბილისი (GBC) – ევროსტატის მონაცემებით, ევროკავშირის 28 ქვეყანაში 118 მლნ. ანუ, მთლიანი მოსახლეობის 23,76% ღარიბი მოქალაქე ცხოვრობს. ამ კუთხით ყველაზე მძიმე მდგომარეობა ბულგარეთშია - 38,8%, ასევე რუმინეთში - 35,4%, საბერძნეთში - 34,8%, ლატვიაში- 29,6%, ლიტვაში- 28,9%, იტალიაში - 28,2%, ხორვატიაში (27,9%), ესპანეთში (36,3%), უნგრეთში.

ყველაზე ნაკლებია ღარიბი მოქალაქეა დანიაში - 17,2%, შვედეთში - 17,7%, შვეიცარიაში - 17,8%, ავსტრიაში - 18%, გერმანიაში - 19%, მალტაში - 19,2% და პოლონეთში - 19, 5%. სიღარიბის ზღვარს მიღმა ევროკავშირის მოსახლეობის 8,1% ცხოვრობს.

ევროსტატის კრიტერიუმების მიხედვით, ამ კატეგორიაში შედის ყველა ის ადამიანი, ვისაც 2 დღეში ერთხელ მაინც ხორცის და თევზის ჭამის, სარეცხი მანქანის, მობილური ტელეფონის, და ტელევიზორის ყიდვის შესაძლებლობა არ გააჩნია. უკიდურესად ღარიბთა ყველაზე მცირე რაოდენობაა შვედეთში - მოსახლეობის 0,8%.

ევროპაში ყველაზე ღარიბები რუმინეთში და საქართველოში ცხოვრობენ. მსოფლიო ბანკის მონაცემებით, საქართველოში მოსახლეობის 5% ცხოვრობს დღეში 1,9 დოლარზე ნაკლებ თანხაზე. რუმინეთში ასეთი კატეგორიაა 5,7%. ამავე დროს სიღარიბის ზღვარს მიღმა საქართველოში მოსახლეობის 21,9% ცხოვრობს - ეს თითქმის იმდენია, რამდენიც ევროკავშირში უბრალოდ ღარიბია, მაგრამ არა ღატაკი (23,76%).

ევროსტატის მონაცემებით, ევროპის ყველაზე ღარიბი ქვეყანაა მოლდოვა - მისი მშპ მსყიდველობითო უნარის პარიტეტის მიხედვით 5 661 დოლარია. საქართველო ამ არც თუ ისე საპატიო რეიტინგში მე-5 ადგილზეა (10 747), და ამ მაჩვენებლით უსწრებს უკრაინას (8 713), სომხეთს (9456), და კოსოვოს (10 515 დოლარი). აუთსაიდერთა 10-ულში საუკეთესო პოზიციები აქვს აზერბაიჯანს - 17 492 დოლარი.