თბილისი (GBC) - 2022 წლის 1 მარტიდან რუსეთში მზესუმზირის ზეთის ექსპორტზე გადასახადი 1 ტონაზე 251,4-დან 260,1-მდე გაიზარდა - იტყობინება რუსული სააგენტო ТАСС. რუსეთის მთავრობამ 2021 წლის აპრილში დააწესა მცურავი ტარიფი ამ პროდუქტის ექსპორტზე, რომელიც დამოკიდებულია საერთაშორისო ბაზარზე ფასების ცვლაზე. მარტამდე კი, თებერვალში, იმოქმედებს შემცირებული გადასახადი - 251,4 დოლარი, რაც ნაკლებია, ვიდრე იანვარში, როდესაც ეს მაჩვენებელი 280, 8 დოლარს შეადგენდა. საექსპორტო ტარიფი ზეთზე მუდმივად იცვლება - დეკემბერში ის 276,7, ნოემბერში 194,5, ოქტომბერში 227,2, სექტემბერში 169,9 დოლარს შეადგენს. ამ დროისთვის საქართველოში ზეთის იმპორტის კუთხით უმსხვილესი პარტნიორია სწორედ რუსეთი - 2021 წელს საქართველოში შემოტანილ იქნა 32 570 ტონა მზესუმზირის ზეთი, და ამ მაჩვენებელში ყველა დიდი წილო რუსეთზე მოდის - 28 350 ტონა (41, 6 მლნ. დოლარი). ქართველი იმპორტიორები განაგრძობენ რუსული ზეთის შემოტანას, იმის მიუხედავად, რომ მცურავი საექსპორტო ტარიფიდან გამომდინარე პროდუქციის ღირებულება მუდმივად იცვლება - ბიზნესმა უკვე მოახერხა ამ რეალობასთან ადაპტირება, და ეს ცვალებადობა გასაყიდ ფასში მუდმივად აისახება, თუმცა, ამის მიუხედავად, მთლიანობაში რუსული ზეთის ფასი მაინც კონკურენტულია.