2022 წლის იანვარში 2021 წლის ანალოგიურ პერიოდთან შედარებით გაძვირდა თითქმის ყველა საქონელი თუ მომსახურება, თუმცა ფასების ზრდის კუთხით უპირობო ლიდერია გაზი და ელექტროენერგია - ამ კუთხით ზრდამ წლიურ ჭრილში 68% შეადგინა.

ეს მაჩვენებელი რეკორდულია ნებისმიერ სხვა მიმართულებასთან შედარებით - მაგალითად, ბოსტნეული და პურპროდუქტები, რომლებზეც ფასები სურსათის ჯგუფში ყველაზე მეტად გაიზარდა, წლის მანძილზე 23,3% და 20,5%-ით გაძვირდა.

მეორე ადგილზე გაძვირების კუთხით წყალმომარაგებაა - წლიურ ჭრილში 58%. ენერგომატარებლებზე ფასების ზრდა პირდაპირ კავშირშია ასევე სატრანსპორტო საშუალებების შენახვის ხარჯების ზრდასთან, რომელმა წლიურ ჭრილში 23,3% შეადგინა.