თბილისი (GBC) – აფხაზეთში ენერგომოხმარების მკვეთრი ზრდის ფონზე წყლის ხარჯა ენგურჰესზე მკვეთრად გაზრდილია, და კაშხალში წყლის რეზერვების მაჩვენებელი კრიტიკულად დაბალს მიუახლოვდა - აღიარა რესპუბლიკის სახელმწიფო ენერგოკომპანია „ჩერნომორენერგო“-მ.

აფხაზი ენერგეტიკოსების თქმით, ისინი აკეთებენ ყველაფერს იმისთვის, რომ რთულმა ვითარებამ ჰიდროელექტროსადგურზე მოსახლეობის ელექტროენერგიით მომარაგებაში პრობლემები არ შეიქმნას.

ამავე დროს „ჩერნომორენერგოში“ აცხადებენ, რომ ამ დროისთვის ენგურჰესი აფხაზეთის მხოლოდ აღმოსავლეთ ნაწილს - გალი - ოჩამჩირეს ზონას - ამარაგებს, ხოლო დანარჩენი რაიონები ელექტროენერგიას რუსეთიდან იღებენ.

2 თებერვალს ენგურჰესის დირექტორმა ლევან მებონიამ განაცხადა, რომ ჯავის წყალსაცავში წყლის დონე კრიტიკულად დაბალია - 415,5 მეტრი, ხოლო მაჩვენებლად, რომლის პირობებშიც ჰესის მუშაობა შეუძლებელია, ითვლება 425 მეტრი.

 „თუ მდგომარეობა სასწრაფოდ არ გაუმჯობესდება, ელექტროსადგურზე პერიოდული გათიშვები გარდაუვალია“ - განაცხადა მებონიამ.