თბილისი (GBC) – 2022 წლის პირველ თვეებში ინფლაციის დონზე 2-ნიშნა დარჩება, შემდეგ კი, მარტში, მკვეთრად შემცირდება - ნათქვამია საინვესტიციო ბანკ Renaissance Capital-ის ანგარიშში. სააგენტო "ტრენდის" ინფორმაციით, ექსპერტები მიიჩნევენ, რომ ამ პერიოდში ეროვნული ბანკის ფულად-საკრედიტო პოლიტიკის გამკაცრება საკმაოდ ზომიერი იყო - რეფინანსირების განაკვეთი მხოლოდ 2,5%-ით, 10,5%-მდე გაიზარდა.

ბანკის პროგნოზით, რეგულატორი 2022 წელს მკაცრ მონეტარულ პოლიტიკას შეინარჩუნებს, თუმცა, წლის მანძილზე ინფლაციის შემცირების ფონზე მიდგომა შერბილდება.

საბიუჯეტო კონსოლიდაცია, რომელიც 2021 წელს დაიწყო, ასევე 2022-2024 წლებშიც გაგრძელდება. ამავე დროს სახელმწიფო ვალი, რომელიც მკვეთრად შემცირდა 2021 წელს, მომდევნო წლებში, 2024 წლამდე 50-52%-ის ფარგლებში შენარჩუნდება.

Renaissance Capital-ის პროგნოზით, 2022 წელს სახელმწიფო ბიუჯეტის დეფიციტი 8,3% იქნება, მაშინ, როდესაც 2021 წელს ეს მაჩვენებელი 7,3%- შეადგენდა.

ამის ფონზე 2022-2024 წლებში მოსალოდნელია ეროვნული ვალუტის მცირედით გამყარება და კურსის სტაბილურობა 1 დოლარში 3 ლარის მიდამოებში.