თბილისი (GBC)  ბოლო პერიოდში ჩვეულებრივ კარტოფილთან ერთად საქართველოდან ექსპორტზე რეკორდული რაოდენობით ასევე სათესლე კარტოფილიო გადის. თუმცა, საიტ EastFruit-ის ანალიტიკოსთა შეფასებით, ორივე შემთხვევაში ექსპორტი ნახტომისებრი ზრდა არასისტემური და ეპიზოდურია - ის აღიქმება მხოლოდ როგორც ერთჯერადი შესაძლებლობა, რომელიც სულ მალე, სავარაუდოდ, ამოიწურება.

2022 წლის იანვარში საქართველოდან ექსპორტზე 670 ტონა სათესლე კარტოფილი გავიდა, და ეს მაშინ, როდესაც წინა წლებში ეს მაჩვენებელი 70 ტონას არ აღემატებოდა. 2021 წლის აგვისტოდან 2022 წლის იანვრის ჩათვლით. საქართველოდან ექსპორტზე 2900 ტონა სათესლე კარტოფილი გავიდა. მაშინ, როდესაც წინა წლების ანალოგიურ პერიოდებში - მაქსიმუმ 420 ტონა. ექსპორტის დიდი ნაწილი აზერბაიჯანში წავიდა, და ამის მიზეზია ამ პროდუქტის დაბალი მოსავალი რუსეთში, რომელიც აზერბაიჯანისთვის სათესლე კარტოფილის მთავარი მიმწოდებელია.

ქართველი ფერმერები მიიჩნევენ ამ ტენდენციას დროებითად, და ვერ ხედავენ ვერანაირ წინაპირობას, რომ სათესლე კარტოფილის ექსპორტმა აზერბაიჯანში მუდმივი ხასიათი მიიღოს.