თბილისი (GBC) - მოსკოვისთვის უკრაინაში შეჭრის გამო დაწესებული საერთაშორისო სანქციების გამო, სბერბანკი და რუსული ბანკის შვილობილი ფილიალები სამხრეთ-აღმოსავლეთ ევროპაში დახურვის ან მფლობელობის დაკარგვის წინაშე დგანან.

ევროპულმა ცენტრალურმა ბანკმა (ECB) დღეს, ორშაბათს განაცხადა, რომ ვენაში დაფუძნებული Sberbank Europe AG და მისი ფილიალები სლოკათსა და ხორვატიაში მარცხდებიან ან სავარაუდოდ დამარცხდებიან მას შემდეგ, რაც მათ "განიცადეს დეპოზიტების მნიშვნელოვანი გადინება" კონფლიქტის შედეგად რეპუტაციული ზიანის გამო.

„სავარაუდოდ, ბანკი ვერ შეძლებს დავალიანების ან სხვა ვალდებულებების გადახდას“, - თქვა ECB-მ.

Sberbank და VTB რუსეთის ორი უდიდესი სახელმწიფო ბანკია და ფლობენ რუსეთის საბანკო სისტემაში არსებული აქტივების დაახლოებით ნახევარს. გასული კვირიდან დაწესდა მათ წინააღმდეგ სანქციები, რომლებიც მიზნად ისახავდა მათი ბიზნესის შეზღუდვას საერთაშორისო დონეზე და შაბათ-კვირას აეკრძალათ SWIFT გადახდის საერთაშორისო სისტემა.

გასულ კვირას მისი კლიენტებისგან გაზრდილი მოთხოვნის გამო, როგორც სლოვაკეთში, ასევე ხორვატიაში, Sberbank-მა დროებით დახურა ფილიალები ან შეზღუდა ფულადი სახსრების განაღდება.

ხორვატიაში ბანკის კლიენტებს უფლება ექნებათ გაანაღდონ დღეში მაქსიმუმ 1000 ევრო მომდევნო ორი დღის განმავლობაში. სლოვაკეთსი ფილიალები მომდევნო ორი დღის განმავლობაში დაიხურება და შემდეგ განაღდება შემოიფარგლება დღეში 400 ევრომდე.

Sberbank Europe AG-ს ასევე აქვს შვილობილი კომპანიები ბოსნიაში, ჩეხეთის რესპუბლიკაში, უნგრეთსა და სერბეთში, რომლებიც არ შედის ევროპის ცენტრალური ბანკის იურისდიქციაში.

Abcnews-ის ცნობით, ხალხის ფული დაცულია 100,000 ევრომდე თითო დეპოზიტორზე ევროკავშირში, მათ შორის სლოვაკეტში, ხორვატიაში, ჩეხეთსა და უნგრეთში. სერბეთსა და ბოსნიაში, ადგილობრივი ბანკების მარეგულირებლები გარანტიას 50,000 და 25,000 ევროს ოდენობით გასცემენ შესაბამისად.

ჩეხეთის ცენტრალურმა ბანკმა ორშაბათს განაცხადა, რომ დგამს ნაბიჯებს ჩეხეთის შვილობილი Sberbank CZ-ის საბანკო ლიცენზიის გაუქმების მიზნით.

ბანკმა თქვა, რომ ეს ნაბიჯი იყო „ბანკის ლიკვიდურობის ვითარების შედეგი, დეპოზიტების მნიშვნელოვანი გადინების კონტექსტში, რუსეთსა და უკრაინას შორის კონფლიქტის ესკალაციისა და უკრაინაზე რუსეთის თავდასხმის შემდეგ“.

Sberbank Europe-ის ჩეხეთის ფილიალები ორშაბათს დაიხურა, რის მიზეზადაც ბანკი მოკლე დროში კლიენტების მიერ დეპოზიტების მნიშვნელოვან გადინებას ასახელებს.  

დაიხურა სბერბანკის უნგრეთის ფილიალებიც, ამ პერიოდის განმავლობაში კლიენტებს შეეძლებათ ისარგებლონ საკრედიტო ბარათებით, მაგრამ ვერ მიიღებენ თანხებს ანგარიშზე, - წერს ეროვნული ბანკი.

ცენტრალური ბანკი განიხილავს საკრედიტო ინსტიტუტის მდგომარეობას Sberbank-ის შესაძლო გადახდისუუნარობის შესახებ გამოცხადების შემდეგ. MNB-ის ცნობით, ვითარება არ იმოქმედებს უნგრეთის ფინანსური ინსტიტუტების სისტემის სხვა წევრებზე.

სერბეთში, რომელიც არ შეუერთდა დასავლეთის სანქციებს მისი მოკავშირე რუსეთის წინააღმდეგ, ცენტრალურმა ბანკმა განაცხადა, რომ აკონტროლებს Sberbank-ის ლიკვიდობას და დაჰპირდა, რომ გადადგამს ნაბიჯებს პრობლემების შემთხვევაში. ბოსნიაში, ცენტრალური საბანკო სააგენტომ განაცხადა, რომ ის იკავებს Sberbank-ის ფილიალს მისი შეშფოთებული კლიენტების ინტერესების დასაცავად.