თბილისი (GBC) – რუსული ჯარის პირვანდელი გეგმა ჩავარდა, თანაც უკრაინელებმა პირწმინდად მოიგეს საინფორმაციო ომი. მაგრამ რუსეთს თავისი ძალები ჯერ ბოლომდე არ გამოუყენებიათ - განაცხადა ამერიკული კვლევითი ცენტრის ექსპერტმა რუსეთის ჯარის საკითხებში მაიკლ კოფმანმა.

მისი თქმით, დასაწყისში რუსულმა ჯარმა სცადა ნაკლებად სისხლიანი ვარიანტის გამოყენება - მობილური სწრაფი ჯგუფების გადაადგილება და ქალაქებში საკვანძო ობიექტების დაკავება. სწორედ ამ დესანტებს და მობილურ ჯგუფებს, საავიაციო მხარდაჭერის გარეშე - უსწორდებიან უკრაინელები.

„თუმცა, ომის მეხუთე დღე ადასტურებს, რომ რუსული ჯარი ტაქტიკას სერიოზულად ცვლის - ასეთი ჯგუფების მოქმედება შეწყვიტა, მარაგების აღდგენა და რეორგანიზება დაიწყო. რუსეთს უზარმაზარი რესურსები აქვს - მაგალითად, მოსკოვმა ჯერ არასრულად გამოიყენა თავისი საავიაციო შესაძლებლობები. დღეს ვხედავთ, რომ რუსეთი სულ უფრო ხშირად იყენებს მძიმე არტილერიას და ავიაციას. სამწუხაროდ, როგორც ჩანს, უარესი ჯერ კიდევ წინაა, და ეს ომი ბევრად უფრო საშინელი გახდება“ - მიიჩნევს კოფმანი.