თბილისი (GBC) – ბოლო დღეებში პუტინი უკიდურესად გაბრაზებულია რუსული ეკონომიკის წინააღმდეგ ეკონომიკური სანქციების შემოღების გამო - ნათქვამია აშშ-ს გამოძიებათა ფედერალური სამსახურის მოხსენებაში.

როგორც აღმოჩნდა, აშშ-ს პრეზიდენტის ადმინისტრაციის მაღალჩინოსნებმა დაზვერვით უწყებებს მიმართეს თხოვნით დაადგინონ პუტინის განწყობა და ფსიქოლოგიური მდგომარეობის სტაბილურობა.

„ამერიკელ პოლიტიკოსებს ძალიან აწუხებთ უკიდურესად ავანტიურული და სასტიკი საომარი ქმედებები უკრაინაში, რაც, მათი აზრით, მკვეთრად განსხვავდება რუსეთის პრეზიდენტისთვის ადრინდელი გადაწყვეტილებების და ქცევებისგან“ - ამბობს წყარო ადმინისტრაციაში.

FBI-მა დაურიგა დასავლეთის 10 ქვეყანას დასკვნა ამ საკითხზე. მოხსენებაში წერია, რომ პუტინი უკიდურესად გაბრაზდა დასავლეთის მიერ დაწესებული სანქციების და რუსულ ეკონომიკაზე მათ სწრაფ, და მოსალოდნელზე ბევრად მძიმე გავლენის გამო.

დაზვერვის ინფორმაციით, რეალური მდგომარეობა საგულდაგულოდ იმალება, მის შესახებ ობიექტური მონაცემები პოლიტიკურ და ეკონომიკურ ელიტასაც კი არა აქვს.

„ბევრი რუსი მილიონერი და მილიარდერი ფიქრობდა, რომ ომი თავისი გზით გაგრძელდებოდა, ისინი კი ჩვეულებრივად იმოგზაურებდნენ ევროპაში და ამერიკაში. თუმცა, ის, რაც რეალურად მოხვდა, მათთვის ძალიან დიდი მოულოდნელობა იყო“ - ნათქვამია FBI-ს მოხსენებაში.