Tbilisi (GBC) – აშშ-მ შემოიღო სანქციები პუტინის უახლოესი გარემოცვის წინააღმდეგ - კერძოდ, აკრძალვების სიაში მოხვდნენ რუსეთის პრეზიდენტის პრეს-მდივანი დმიტრი პესკოვი, 7 მილიარდერი და მათი ოჯახების წევრები. მათ გაეყინებათ ყველა აქტივები, დაიბლოკება საკუთრება, ისინი მოწყვეტილი იქნებიან საერთაშორისო საფინანსო სისტემისგან.

მათ ასევე ეკრძალებათ შტატებში ჩასვლა.

იგივე შეეხება ასევე მათი ოჯახების წევრებს. სასანქციო სიაში მოხვდნენ «Транснефть»-ის პრეზიდენტი ნიკოლაი ტოკარევი, მილიარდერები და პუტინის პირადი მეგობრები ბორის და არკადი როტენბერგი, სახელმწიფო კორპორაცია «ВЭБ.РФ»-ს პრეზიდენტი იგორ შუვალოვი, მილიარდერი ევგენი პრიგოჟინი, და «USM Holdings»-ის დამფუძნებელი ალიშერ უსმანოვი.