თბილისი (GBC) - რუსეთის საგარეო საქმეთა მინისტრი სერგეი ლავროვი და უკრაინის საგარეო საქმეთა მინისტრი დმიტრო კულება შეთანხმდნენ,რომ სამხრეთ თურქეთში ერთმანეთს ხუთშაბათს 10 მარტს შეხვდებიან, რაც პირველი პოტენციური საუბარი არის ტოპ-დიპლომატებს შორის რუსეთის მიერ უკრაინაში შეჭრის შემდეგ.

შეხვედრას თურქეთის საგარეო საქმეთა მინისტრი მევლუდ ჩავუშოღლუ დაესწრება. ამ ინფორმაცია რუსეთის საგარეო საქმეთა სამინისტროშიც ადასტურებენ. ნატოს წევრი თურქეთს და ოფიციალური ანკარას კარგი ურთიერთობა აქვს მოსკოვსა და კიევთან,თუმცა რუსეთის შეჭრას მიუღებელს უწოდებს. მიუხედავად ამისა, თურქეთი რუსეთის მიმართ სანქციებს ეწინააღმდეგება.

შაბათს კულებამ განაცხადა,რომ ლავროვთან საუბრისთვის ღიაა,თუ ეს საუბარი იქნება ,აზრიანი’’. რუსეთმა დღეს ახალი ,,ჰუმანიტარული დერეფნების’’ შესახებ განაცხადა, მისი დაბომბვის ქვეშ მოქცეული უკრაინელების გადასაყვანად რუსეთში და მის მოკავშირე ბელორუსში.

ეს განცხადება მაშინვე დაგმო კიევმა და უწოდა ,,ამორალური ტრიუკი’’.