თბილისი (GBC) –რუსეთის მთავრობამ აღიარა, რომ საერთაშორისო სანქციების გამო, რუსულ ნავთობკომპანიებს ნავთობის გაყიდვა გაუჭირდათ. ენერგეტიკის მინისტრის ალექსანდრ ნოვაკის თქმით, პრობლემები შეეხო აპრილის თვის ფიუჩერსებს, მაშინ, როდესაც მარტში არავითარი სირთულეები არაა.

ვითარება შესაძლოა გართულდეს 8 მარტს აშშ-ს მიერ რუსულ ნავთობზე უარის თქმის გამო -შტატებს უკვე შეუერთდა რამდენიმე საერთაშორისო კომპანია, მაგალითად, 10 მარტს რუსული ნავთობის ყიდვაზე უარი განაცხადეს ჰოლანდიურმა Shel-მა, ბრიტანულმა BP-მ, და იტალიურმა Eni-მ.

თუმცა, მეტწილად პრობლემები დაკავშირებულია ფინანსურ სანქციებთან - ნავთობკომპანიები ბანკებისგან ვერ იღებენ რუსული ნავთობის შესასყიდად აუცილებელ დაფინანსებას.