თბილისი (GBC) – აშშ-ს პრეზიდენტი ჯო ბაიდენი ევროკავშირთან და დიდი შვიდეულის ქვეყნებთან ერთად აპირებს გაუუქმოს რუსეთს ,,ფავორიტი  ქვეყნის’’ სავაჭრო სტატუსი.

ამის შესახებ იტყობინება საკითხში ინფორმირებული ანონიმური წყარო.

 მისი ცნობით, თითოეულ ქვეყანას მოუწევს დაიცვას საკუთარი ეროვნული პროცესები. რუსეთისგან ,,ფავორიტი ქვეყნის’’სტატუსის ჩამორთმევა აშშ-ს და მოკავშირეებს საშუალებას მისცემს დააწესონ ტარიფები რუსულ იმპორტზე, რაც გაზრდის რუსეთის ეკონომიკის იზოლაციას.

უკრაინის პრეზიდენტმა ვოლოდიმირ ზელენსკიმ ზეწოლა მოახდინა შეერთებულ შტატებსა და მოკავშირეებზე, რათა მიეღოთ ზომები რუსეთის წინააღმდეგ კონგრესში შაბათ-კვირას. ეს მას შემდეგ მოხდა რაც რამდენიმე დღის წინ ბაიდენმა გადაწყვიტა რუსული ნავთობისა და გაზის პროდუქტების იმპორტის აკრძალვა.

კანადა იყო აშშ-ს პირველი მოკავშირე, რომელმაც გასულ კვირას მოუხსნა რუსეთს ,,ფავორიტი ქვეყნის’’ სტატუსი.

ბაიდენის ქმედება პირველად Bloomberg News-მა გაავრცელა

წყარო:yahoo news