თბილისი (GBC) –წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2021 წელს $1,15მლრდ შეადგინა, რაც ორჯერ მეტია 2020 წლის დაზუსტებულ მონაცემებზე(2020-$572მლნ). ზრდა განპირობებულია პირდაპირი უცხოური ინვესტიციების სამივე კომპონენტის (სააქციო კაპიტალი, რეინვესტიცია და სავალო ვალდებულებები) მაჩვენებლის გაზრდით.

2021 წლის მონაცემებით რეინვესტირებული თანხა $760.5მლნ-ს შეადგენს რაც ჯამური პირდაპირი უცხოური ინვესტიციების 66%-ია.

ინვესტიციების მიხედვით ტოპ 3 ქვეყანა ასე გამოიყურება: გაერთიანებული სამეფო $596.6 მლნ(51,8%); ნიდერლანდები $125.9მლნ (10,9%); ჩეხეთი $81.8 მლნ (7,1%); ამ სამი უმსხვილესი ინვესტორი ქვეყნის წილმა მთლიან პირდაპირ უცხოურ ინვესტიციებში, 2021 წლის წინასწარი მონაცემებით, 69.8% შეადგინა.

რუსეთიდან პირდაპირმა უცხოურმა ინვესტიციებმა 2021 წლის განმავლობაში $58.6 მლნ შეადგინა, რაც მთლიანი ინვესტიციების მხოლოდ 5%-ია(5 ადგილი).

2021 წლის ინვესტიციების ტოპ 3 სექტორი ასე გამოიყურება:

1 საფინანსო სექტორი 38,5%.

2 გართობა დასვენება და სხვა 20%.

3 ენერგეტიკა 13,6%.