თბილისი (GBC) -საინვესტიციო საბჭომ პრემიერთან  საპენსიო ფონდის საინვესტიციო საქმიანობის  ეფექტიანობის გაზრდაზე იმსჯელა.

 დაგროვებით საპენსიო სქემაში გაწევრიანებულია 1.1 მლნ-მდე ადამიანი. მთლიანი აქტივის ღირებულება 2.17 მილიარდ ლარს შეადგენს, საიდანაც საინვესტიციო საქმიანობის შედეგად დარიცხული სარგებელი 309 მილიონი ლარია. მიმდინარე წლიური ეფექტური მომგებიანობა 11.6%, ხოლო ფონდის ამოქმედების დღიდან მომგებიანობა 34%-ია.

თანხები სრულად განთავსებულია 8 კომერციულ ბანკში და ლარში დემონომირებულ ინსტრუმენტებში, სადაც აქტივების 62% არის სადეპოზიტო სერტიფიკატებში, ხოლო 38% - მიმდინარე სარგებლიან ანგარიშებზე.

ისაპენსიო ფონდის საინვესტიციო საბჭოს თავმჯდომარე ოლივიერ რუსსო, საბჭოს თავმჯდომარის მოადგილე ჟან-ფრედერიკ პოლსენი, საბჭოს წევრები მაიკლ რიდლი და ტიმო ვიჰერკენტა, ხოლო საქართველოს მხრიდან - ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი,  ფინანსთა მინისტრი ლაშა ხუციშვილი, მთავრობის ადმინისტრაციის უფროსი ილია დარჩიაშვილი და საპენსიო სააგენტოს დირექტორი გიორგი დანელია მონაწილეობდნენ.