თბილისი (GBC) –საერთაშორისო კომპანიები, რომლებიც მთლიანად თუ ნაწილობრივ ტოვებენ რუსეთს უკრაინასთან ომის და ეკონომიკური სანქციების გამო, ქვეყანაში 200 000-ზე მეტ ადამიანს ასაქმებენ - დაითვალა ჟურნალ Forbes-მა.

წასულებს შორის ყველაზე მსხვილი დამსაქმებელი იყო McDonald’s, რომლის ქსელშიც რუსეთში 62 000 ადამიანი მუშაობს. ამ დროისთვის რუსეთი მთლიანად ან ნაწილობრივ დატოვა 300-ზე მეტმა ტრანსნაციონალურმა კომპანიამ.

რუსეთის მთავრობა განიხილავს მათი დარჩენილი ქონების ნაციონალიზების საკითხს, იმისთვის, რომ გაგრძელდეს მუშაობა და მოქალაქეები უმუშევრად არ დარჩნენ. თუმცა, ექსპერტების აზრით, ეს მხოლოდ სიმბოლური ნაბიჯი იქნება, რადგანაც რუსეთი მათი ფუნქციონირებისთვის აუცილებელ ტექნოლოგიებს, ნედლეულს, სათადარიგო ნაწილებს, და ზოგად ცოდნას არ ფლობს.