თბილისი (GBC) - ევროკავშირის ახალი სანქციები რუსეთის შავ მეტალურგიას შეეხო. ამ დარგის საექსპორტო პოტენციალი საკმაოდ მაღალი - ევროპის ფოლადის ასოციაციის ინფორმაციით, 2029 წელს ევროკავშირმა რუსეთიდან 3,2 მლნ. ტონა, ხოლო 2021-ში 3,7 მლნ. ტონა ლითონი შეიძინა.

რუსეთი ევროკავშირში მეტალურგიული პროდუქციის მეორე უმსხვილესი ექსპორტიორია თურქეთის შემდეგ. ყველაზე მეტად სანქციებისგან დაზარალდებიან კომპანიები «Металлоинвест» და «Северсталь», რომელთა შემოსავლის 37% და 30% სწორედ ევროპაზე მოდიოდა.

მთლიანობაში რუსული მეტალურგია წელიწადში 6 მლრდ. დოლას დაკარგავს, რადგანაც ამ დროისთვის მთელი რუსული ექსპორტის 15% სწორედ მეტალურგიაზე მოდიოდა - ეს მესამე მაჩვენებელია გაზის და ნავთობის შემდეგ.

თავის მხრივ, მეტალურგიული ექსპორტის თითქმის 50% სწორედ ევროკავშირზე მოდის. სანქციები ევროპასაც აზარალებს, სადაც ფოლადის ფასი 20%-ით გაიზარდა.