თბილისი (GBC) – 6 რუსული და 29 უცხოური ავიაკომპანია განაგრძობს ფრენებს რუსეთიდან სხვადასხვა ქვეყნებში - იტყობინება რუსეთის ტრანსპორტის სამინისტრო.

კერძოდ, რუსული ავიაკომპანიების მეშვეობით შესაძლებელია გამგზავრება აზერბაიჯანში, სომხეთში, ბელორუსიაში, ყირგიზეთში, საემიროებში, ტაჯიკეთში, თურქეთში, და უზბეკეთში. ეს შესაძლებელია იმის გამო, რომ ეს კომპანიები იყენებენ რუსული წარმოების 147 თვითმფრინავს SSJ100, რომელსაც საერთაშორისოო შეზღუდვები არ ეხება.

ასევე ფრენებს აგრძელებს 29 უცხოური კომპანია, რომელიც ახორციელებს ფრენებს ალჟირის, სომხეთის, ბაჰრეინის, ბელორუსიის, ვენესუელის, ისრაელის, ინდოეთის, ერაყის, ყაზახეთის, ყატარის, ყირგიზეთის, მაროკოს, მონღოლეთის, საემიროების, სერბეთის, სირიის, ტაჯიკეთის, თურქმენეთის, თურქეთის, და უზბეკეთის მიმართულებით.