თბილისი (GBC) - ევროპის რეკონსტრუქციისა და განვითარების ბანკმა (EBRD) ერევნის ადგილობრივი ოფისის ახალ ხელმძღვანელად გიორგი ახალკაცი დანიშნა, რომელიც დიმიტრი გვინდაძეს შეცვლის.

ახალკაცი ახალ თანამდებობას 2022 წლის 1 მაისს შეუდგება და სომხეთის დედაქალაქში განთავსდება. ის გააკონტროლებს ბანკის ინვესტიციებსა და ოპერაციებს სომხეთში, რომელიც რეგიონულ დირექტორს კავკასიაში, კატარინა ბიორლინ ჰანსენს დაექვემდებარება.

მან თავისი კარიერა ადვოკატად დაიწყო, სანამ საბანკო საქმეში Société Générale-ში გადავიდა. ის EBRD-ს 2009 წელს შეუერთდა და მისი ბოლო თანამდებობა ასოცირებული დირექტორი, უფროსი ბანკირი თბილისში იყო.

ის ადრე მუშაობდა EBRD-ის წარმოებისა და სერვისების და საკრედიტო რისკების მართვის გუნდებთან ლონდონში. მას აქვს მაგისტრის ხარისხი თბილისის სახელმწიფო უნივერსიტეტში და MBA INSEAD-ში.

EBRD სომხეთში 1992 წლიდან მუშაობს. მისი მიზანია დაეხმაროს ეკონომიკის დივერსიფიკაციას სხვადასხვა სექტორში ინვესტიციების მხარდაჭერით, ასევე ფინანსური სექტორისა და მცირე და საშუალო საწარმოების განვითარების ხელშესაწყობად.

დღეისათვის ბანკმა 1.8 მლნ ევროზე მეტი ინვესტიცია განახორციელა 200 პროექტში ქვეყნის მასშტაბით.

გვინდაძე EBRD-ის კლიმატის სტრატეგიისა და რეგიონული მიწოდების ხელმძღვანელის პოზიციაზე  მიმდინარე წლის 4 აპრილიდან ინიშნება. 

შეგახსენებთ გვინდაძე ყოფილი ფინანსთა მინისტრი იყო, აგრეთვე EBRD-ის მოლდოვას წარმომადგენლობას ხელმძღვანელობდა.