თბილისი (GBC) –2021 წლის IV კვარტალში მთლიანი შიდა პროდუქტის მოცულობა მიმდინარე ფასებში 17.2 მლრდ ლარს გაუტოლდა(2020 IV-13.97მლრდ), ხოლო წინა წლის შესაბამის პერიოდთან შედარებით რეალური მთლიანი შიდა პროდუქტის ზრდამ 8.8 პროცენტი შეადგინა.

2021 წლის მეოთხე კვარტალში, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ტრანსპორტი და დასაწყობება (40.6 %), საბითუმო და საცალო ვაჭრობა (11.2 %), უძრავ ქონებასთან დაკავშირებული საქმიანობები (15.0 %), განთავსების საშუალებებით უზრუნველყოფის და საკვების მიწოდების საქმიანობები (72.8 %), ჯანდაცვა და სოციალური მომსახურების საქმიანობები (34.4 %), ელექტროენერგიის, აირის, ორთქლის და კონდიცირებული ჰაერის მიწოდება (56.5 %), ხელოვნება, გართობა და დასვენება (31.0 %), საფინანსო და სადაზღვევო საქმიანობები (10.1 %), ინფორმაცია და კომუნიკაცია (14.4 %).

კლება დაფიქსირდა შემდეგ დარგებში: მშენებლობა (-33.4 %), სახელმწიფო მმართველობა და თავდაცვა; სავალდებულო სოციალური უსაფრთხოება (-1.5 %) და შინამეურნეობების, როგორც დამქირავებლის, საქმიანობები; არადიფერენცირებული საქონლის და მომსახურების წარმოება შინამეურნეობების მიერ საკუთარი მოხმარებისათვის (-36.1 %)